احلا ابوذيات شهد مع الشاعر ابو محمد

السلام عليكم شباب جبتلكم

احلا ابوذيات شهد & ابو محمد

اسمعو


شهد
زمانك لو زعل وياك خله
واسكت لا تبين بيك خله
موسهله الخليل يعوف خله
بس صعبه الكرامه تموت بيه

ابومحمد

انه جروحي عرايس من ازفهن
وغدت حمرمة حلكهن من نزفهن
انه من ازمخ عليهن من ازفهن
انه الزهكان ويضكن عليه

شهد

حلوه الشامه البخدك ودكه
وتدك وياي دكه باثر دكه
بعد ما اوصل الدارك ودكه
لان ساسك رمل ونهدم بيه


ابو محمد

لبوذيه بس الك وحدك نصبها
ومحاجيك عسل عالمر نصبها
الكلب جم سيطره بروحي نصبها
غيرك ما يمر لو مو هويه

شهد

فاض الشوك بينه والمحنه
ويكون احضى بخيالك والمحنه
الم شمعات بيه والم حنه
حزنن لان ما مريت بيه

ابو محمد

اراوي جروح كلبي وانت راوي
ورواية شوك روحي وانت راوي
عثك الناس حشف وانت راوي
بريمك طاح من خدك بديه

شهد

ربع عمري الج يرخص ونصفي
يحلوه ارجوج افهمينيوانصفي
نصفي غارك بحبج ونصفي
سبع لوعات بسيبجن عليه


ابو محمد
نذر لذبح اسنيني من تردلي
واشيل احذاك احطن منتردلي
انه اتخردل وتيه من تردلي
تردلي اقبال وانه اكتب صفيه

شهد

دريتك بيه تغدر واعلمنك
وصيتي تفوق صيتك واعلى منك
يصير الخيرباجر واعلمنك
واصفالك وارد الحك اليه


ابو محمد

لواح الناس صفطت ومايلوحك
ونشف باول همومي ماي لوحك
تدري ليش سهمي مايلوحك
صغير وماتشوفك عين اديه

شهد

وحك حجة الاهك منتظركم
روحي بنار احطها من تظركم
صار اشكد اتاني ومنتظركم
سبع ساعات ما فكرتو بيه

ابو محمد

تخلبص غزل خوتك صفه كتلك
بوجه الكون اوكف صف كتلك
حبل غدرك جتفني صفكتلك
ضلوعي الصفكن لاموش اديه


عسى ان تنال رضاكم

اخوكم حسام حامد الحسناوي م: 07706060795